موقع اممي ثوري ثقافي مناهض للامبريالية ومناصر لقضايا الشعوب حول العالم.

LI MECLÎSA OLÎGARŞIYA TIRK, ZIMANÊ KURDÎ TUNE YE

160
image_pdf

LI MECLÎSA OLÎGARŞIYA TIRK, ZIMANÊ KURDÎ TUNE YE

Meclîsa olîgarşiya Tirk, di serê vê mehê de dest bi xebatê xwe kirin. Weke her sal, îsal jî cilikên sor hatin nûkirin. Her wiha kursiyên ku bi eyarê xezalan hatine pêçan jî hatin paqijkirin û cîlakirin.

Gelek tiştên meclîsê weke berê ne. Lê hinek tişt hene ku hatine guhertin. Yek ji van guhertinan jî teknolojiya wergerê ya zindî ye. Îsal wê “parlementerên me” karibin ji guhokên li ber xwe, bi çar zimanên din li axaftinan guhdar bikin.

Kîjan in ev çar ziman? Ingilîzî, Frensî, Rûsî û Erebî ne. Wê parlementerên meclîsê, di van çar zimanan de li gotinên nebaş gohdar bikin û bi vî awayî fêrî zimanên din bibin!

Di nava van zimanan de Kurdî tune ye. Desthilatdariya AKP’yê û pergala olîgarşiyê bi giştî çav û guhên xwe ji her tiştên di derbarê Kurdan de digirin.

Hin parlementerên Ereb di meclîsê de hene. Lê tiştê em dizanin Ingilîz, Frensî û Rûsî tune ne. Wê çaxê wergera di van zimanan de ji bo çi ye?

Em ne li dijî wê yekê ne ku di gelek zimanan de werger were kirin, lê çima zimanê Kurdî tune ye? Gelo Kurd nemane, pisporên vî zimanî tune ne, wergêr tune ne? Na, ev hemû hene. Lê exlaq tune ye, wicdan tune ye, demokrasî tune ye, wekhevî tune ye, biratî tune ye û azadî tune ye.

image_pdf
قد يعجبك ايضا

اترك رد

لن يتم نشر عنوان بريدك الإلكتروني.