موقع اممي ثوري ثقافي مناهض للامبريالية ومناصر لقضايا الشعوب حول العالم.

Türkiyə Xalq Qurtuluş Partiyası–Cəbhəsi

35
image_pdf
Qızıldərə:

30 Mart 1972-ci ildə THKP (Türkiyə Xalq Qurtuluş Partiyası) lideri Mahir Çayan və 9 yoldaşı Niksarın Qızıldərə kəndində öldürüldü. Dəniz Gəzmiş, Hüseyin İnan və Yusuf Arslanın edam edilməsinin qarşısını almaq üçün NATO hərbi bazasının işçilərini qaçıran Mahir Çayan və yoldaşlarının öldürülməsindən 48 il keçir. Qızıldərədə nə baş vermişdi?

Hər bir ölkənin inqilabi mübarizə tarixində müəyyən məğlubiyyət günləri var. Bunlar məzlumların qələbəsinə gedən yolun faciəvi dayanacaqlarıdır və hərəkat bu günləri daim hörmətlə yad edir. Qəhrəmanların ölümü inqilabçılara və əzilənlərə daha böyük sinfi kin və inqilabi əzmkarlıq aşılayır. İnsanlar sosializmə müxtəlif yollardan gəlib çıxırlar: Qızıldərə hadisəsi Azərbaycan soluna da müəyyən təsir göstərmişdir.

Həmin gün (30 mart 1972-ci il) Mahir Çayan doqquz yoldaşı ilə birgə burjuaziyanın silahlı qüvvələri tərəfindən qətlə yetirildi. Mahir və yoldaşlarının məqsədi Dəniz Gəzmiş və digər yoldaşlarını edamdan xilas etmək olmuşdur. Bu məqsədlə imperialist hərbi bazasından qaçırdıqları əsgərləri Qızıldərə kəndində saxlayarkən dövlətin zorakılığı ilə üzləşdilər və döyüşərək həyatlarını itirdilər. Bəs Qızıldərədən bizə irs qalan nədir və biz bu irsi layiqincə necə qiymətləndirə bilərik?

Dəniz, Mahir, İbrahim və digərləri 1968-ci il hərəkatının siyasi rəhbərləri idilər. Bu nəslin inqilabçı gəncləri əksərən Türkiyə Fəhlə Partiyasında (Türkiye İşçi Partisi – TİP) yetişmişdilər. Lakin islahata meyil edən TİP parlamentarizm bataqlığında ilişib qalarkən tələbə və gənclik hərəkatı getdikcə kəskinləşir, TİP-in məktəbindən gələn və bürokratlaşmış kadroları ilə onun daxilində siyasi şüurluluq əldə edən gənclər arasında ziddiyyət əmələ gəlir. Beləliklə, inqilabi yüksəliş Mahir kimi gəncləri reformizmin hüdudlarından uzaqlaşdırır. İnqilabçı gənclər işdə dövlətin əleyhinə çıxaraq inqilab istiqamətində çox mühüm addım atırlar. Məqsəd və niyyətdə qətilik – bu gün ən çox axtarılan məziyyətdir.

Mahirlər digər müxtəlif opportunist cərəyanları (məsələn: Mihri Belli, Doğan Avcıoğlu) ilə də haqq-hesabı çürütdülər, işdə kamalizmdən uzaqlaşdılar, hərəkatın məqsədini aydınlaşdırdılar: dövlət əleyhinə hakimiyyət uğrunda mübarizə. Sovyet İttifaqının təsiri altında inkişaf edən kommunist hərəkatından kənarda yeni İnqilabçı-sosyalist təşkilatları meydana gəldi: Türkiyə Xalq Qurtuluş Partiyası–Cəbhəsi (THKP-C), Türkiyə Xalq Qurtuluş Ordusu (THKO), Türkiyə Kommunist Partiyası/Marksist-Leninist (TKP/ML).

Qızıldərə hadisəsində iştirak edən inqilabçılar: Türkiyə Xalq Qurtuluş Partiyası-Cəbhəsi (THKP-C) qurucularından Mahir Çayan, Dev-Genç Mərkəzi İcra heyəti üzvü Hüdai Arıkan, Türkiyə Xalq Qurtuluş Ordusu (THKO) döyüşçüsü Cihan Alptekin, Fatsalı sürücü Nihat Yılmaz, Fatsalı müəllim Ertan Saruhan, Ünyeli fermer Əhməd Atasoy, Dev-Genç baş katibi Sinan Kazım Özüdoğru, Siyasi Elmlər Fakültəsi Tələbə Məclis üzvü Sabahattin Kurt, THKO döyüşçüsü Ömər Ayna və “Hava Qüvvələri Proletar İnqilabçı Təşkilatının” qurucusu baş leytenant Saffet Alp.


image_pdf
قد يعجبك ايضا

اترك رد

لن يتم نشر عنوان بريدك الإلكتروني.